.:كفــــــــــــــــــــــايه:.

بسم الله الرحمن الرحيم

السلام عليكم ورحمة الله وبركاته:



.:كـــفـــــــايــــــه:.

كفــايه صار لك شهرين غايب عني ياالغالي
كفــايه يا أعز الناس ترى والله ما اقدر
دخيلك لا تخيب فيك هقواتي وامالي
وذنها عــ صبر والله غلاتك عندي راح اصبر
ابتحمل عنا فرقاك وحالي يرثي لحالي
معني والله لين اليوم مدري ليش بس تهجر
ابعرف شو السبب ارجوك ويش اللي بس يجرالي
انا اشسويت ياربي عشان اتثور وتتفجر
انا والله مستاهل ابد كل اللي يجرالي
اقل مافيها بس قلي سبب خلاك تتغير
ابعرف بس شو الموضوع علامك صرت ماتبالي
بذمت كل اهلك في يوم شف بشي انا مقصر
عطيتك قلبي وروحي وهبتك حالي ومالي
حملت احساس هاالدنيا وعطيته لك وانا افخر
عشقتك عشق لا قبله ولا بعده انعشق تالي
هويتك موت وتخيال الين الموت وتصور
واذا جاني مسج منك مخزن رقمك الغالي
ولا امسح رسالتك اتم اقراها وافكر
وحلل كل كلمه بالمسج الله ياغربالي
وقول بخاطري معقوله حاسس فيني ويشعر
ورد اقول لا يمكن تذكرني وهو سالي
لأني توني مطرش مسج طرش مسج يشكر
ورد اقول لا ادري يبيني وحاسس ابحالي
ورد اقول لا ماضن على باله انا اخطر
الين اني انا تأكدت اني قلبه بالفعل خالي
ولا غيري انا بقلبه يحبني موت ويقدر
لأني مره من المرات طرت فكره على بالي
نويت ازعل بدون اسباب وشوفه لو بيتأثر
ابعرف قدري بقلبه يهمه وضعي الحالي
او انه راح يطنشني ولا يسأل ويستفسر
وفعلا دق ما جاوبت حرقلي والله جوالي
ثلاثة الاف مره دق وانا مطنش ولا معبر
كتبلي بلمسج اطلع انا عند بابك الحالي
قسم بالله ما تطلع لخربها انا وحدر
ومشكلتي اعرفه زين يسويها ولا يبالي
نزلت وخاطره مكسور يقول ايش فيك متغير
وقلتله بس ابى تأكد اذا قدري معك عالي
ضحكلي وقالي تأكدت ودمعه بالل المحجر
وطارت فيني الدنيا والمكان وصاحبي جالي
تعذرلي وانا الغلطان وانا اللي لازم اتعذذر
بعدها عشت احلي ايام في قربه هنيالي
وصلنا لمرحله ما نفترق عن بعضنا وكثر
بعدها فجأه خلاني ولا يسأل عن احوالي
وانا في خاطري محال في يوم يتغير
ادق له مايجاوبني بديت اشك في حالي
اخاف انه حصله شي اخافه بس متكدر
لاعب في قلبي الوسواس خياله ما تهيالي
حوالي الف مسج طرشت حبيبي ياعسى ماشر
ولا جاوب وانا قاعد علي عصابي وغربالي
حبيبي صار له اسبوع فيني حتى ما فكر
الين اني عرفت اشلون اخلي خلي الغالي يكلمني
وجت فكره بعد ما مت وانا فكر
وفعلا اتصل فيني وبدت احزاني وهوالي
وكانت صدمتي كبيره على الغالي يتغير
سألته قلتله وش فيك مامن شر ياالغالي
وش الي صار بدنيا علامك ليش متبعثر
اونك يعني ماتدري بدونك صرت انا لحالي
ولالي خلق لأي انسان كثر مافيك انا فكر
وجاوبني وقال ارجوك ابي هالدنيا تصفالي
انا مليت من وضعي وشوف الكل متغير
انا ضاقت بي الدنيا وبي ابقا انا لحالي
خلاص اتركني لا تسأل وانا برجع عقب اشهر
وقلتله مو على تكذب اعرفك تضعف اقبالي
تكلم قول شو الموضوع بدا قلبي يدق اكثر
سكت لحظه وقال ارجوووك ابعد عني يالغالي
وخلني اذكرك بالخير وانته مثلي اتذكر
ولا تطرش مسج واحد ولا تدقلي ابد تالي
وذالي خاطرآ عندك لا تتكلم ابد سكر
قلتله والله ما سكر الين تقول وتصفالي
وقالي والله متكلم ولو تبكي دمع احمر
ولكن شوف ربعك وانت تعرف بس وش جالي
خلاص افهمها عطاير لا تحرجني بعد اكثر
وسكر والدمع فيني على الخدين همالي
قسم بالله ما ادري علامه قلبه اتحجر
فوادي انهار وانا حملي يهد جبال وجبالي
في لحظه صارت الدنيا في عيني هل كبر وصغر
حسافه ما توقعته يصدق فيني عذالي
حسافه ماهقيته يوم يصد عني ويتغير
بعدها صار لي ماصار وربي يعلم ابحالي
فوادي باقي بس اشوي وحسه من الجسم يظهر
بقيت اعرق مدري ليش وخابت كل امالي
انا توقعت كل الناس ولا توقعت هو ينكر
وقلت بخاطري خله مصيره يرجع الغالي
اكيد انه سمع اي شي وجوه صار متعكر
ولكن طول غيابه وزادت فيني اعلالي
مرض قلبي تعب فكري وحس بجسمي متخدر
وقلت خلني اطرشله مسج واشكيله احوالي
وطرشت المسج وشوي دقلي ودون ما فكر
هلا والله ياالغلى الناس هلا والله باالغالي
الو طارق ما قلتلك لا تذكرني او اذكر
ابي بس اذكرك بالخير ياخي خلني في حالي
وقلت وخاطري مكسور انا اسف وما كرر
قسم بالله الين اليوم وحالي يرثي لحالي
قسم بالله الين اليوم ولا دري ليش هو متغير
قسم بالله ماغضت عيوني ولا هدا بالي
قسم بالله ما مر يوم الا وفيه انا فكر
قسم بالله قلت بنساه بس طيفه يتهيالي
قسم بالله لو حاولت انا انساه اتذكر
الين اليوم انا عندي امل يرجع ويصفالي
اقول الشوق بيرده على فرقاي ما يقدر
الين اليوم وضحكاته وبسماته على بالي
الين اليوم ما ارقد كثر مافيه انا فكر
ابا عرف شو السبب ارجوووك واشلي بس يجرالي
انا اش سويت ياربي عشان تثرو وتت فجر
انا والله مستاهل ابد كل اللي يجرالي
اقل مافيها بس قلي سبب خلاك تتغير
ابا عرف بس شو الموضوع علامك صرت متبالي
بذمت كل اهلك في يوم شفتني بشي انا مقصر
انا راح انتظر ردك ولو حتي بمسج خالي
واذا ماجاني منك الرد وغلاتك عندي راح اصبر
سنه سنتين اللي يهم اشوفك ثاني اقبالي
ثلاث اسنين او اربع ابصبر يعني راح اصبر
ولكن حكم احساسك وجاوب ياغلى كل غالي
بذمت والديك يهون تنساني ولا تذكر
يهون انك تخليني ولا تسأل ولا تبالي
يهون انك تنام اليل وتتركني انا اسهر
كفايه صار لك شهرين غايب عني يالغالي
كفايه يا اعز الناس ترى والله ما اقدر
دخيلك لا تخيب فيك هقواتي وامالي
واذنها عالصبر وغلاتك عندي راح اصبر

مــــــــــــع تــــــــــــــــــحـــــــــــــــــياتـــــــــــــــــــــي....

مـــــــــــــــــــــــــــــــــــنــــــــــــــــــــــــقـــــــــــــــــوال.....